Sezoni i ri i ‘The Voice of Albania’ solli në ekran mungesën e Ledion Liços, i cili prej vitesh mbante rolin e moderatorit të programit dhe edicionet e fundit edhe të autorit. Drejtimin e spektaklit tashmë e ka marrë një nga moderatoret që ai ka mbështetur më shumë, Dojna Mema, e cila çdo të premte prezanton fëmijët e talentuar në “Top Channel”.
Këto muaj mungesë, gjithsesi nuk e kanë mbajtur larg ekranit Ledionin. ‘Icon Style’ bëri të ditur ditën e sotme se Ledioni është i impenjuar me një projekt në ‘Digitalb’. Ai drejton kanalin muzikor ‘Melody Tv’, një hapësirë kushtuar muzikës shqiptare, pa asnjë dallim. Ndërkohë ‘revistawho.com’ ka mësuar se moderatorit i është besuar dhe ribrand-imi dhe konceptimi i fushatave promocionale të 15-vjetorit të ‘Digitalb’. Ledioni është zhdukur prej kohësh nga rrjetet sociale, megjithatë zërin e tij e dëgjojmë në çdo fushatë të “Melody Tv”. Se kur do të ndodhë rikthimi i tij në ekran, për këtë do duhet të na e japë ai përgjigjen, deri atëherë le të dëgjojmë muzikë./revistawho.com
Mungesat në ekran, Ledion Liço i ka zëvendësuar duke punuar për projekte të mëdha
