Lidhja e Musës me Donën në ‘Big Brother 9’ pati shumë bujë, por pas daljes nga shtëpia lidhja e tyre u shkatërrua. Madje midis dy të dashuruarve pati edhe debate të mëdha pas ndarjes. Megjithatë prej kësaj ka kaluar një kohë e gjatë dhe të dy e kanë hedhur çdo gjë pas krahëve. Si për Donën dhe Musën nuk është përfolur më për një lidhje të re, por mesa duket diçka po ndodh me jetën private të Musës.
Përpara pak minutash ai ka postuar një fotografi në ‘InstaStory’ nga shtrati. Por në këtë foto duken dy duar të kapura me njëra-tjetrën dhe kjo ngriti menjëherë dyshimet se në jetën e Musës është futur një vajzë e re. Për më tepër këtë fotografi ish banori e ka shoqëruar me tre pika që do të thotë se realisht po ndodh diçka, por për momentin ai dëshiron të qëndrojë i heshtur. Megjithatë të gjithë fansave të Musës i duhet të presin për të parë se çfarë do të ndodhë në vazhdim, nëse vërtet ka një partnere të re në jetën e tij. /revistawho.com
