Reperi i njohur Ledri Vula ka zgjedhur të thyejë heshtjen lidhur me ndarjen nga partnerja e tij prej vitesh dhe nëna e vajzës së tij, Sara Hoxha. I ftuar në podkastin e Alketa Vejsiut, ai rrëfeu për herë të parë se ndarja nuk kishte ardhur si pasojë e ndonjë konflikti, por nga diçka shumë njerëzore: distanca.
“Puna e Sarës ishte në Tiranë, ndërsa unë isha mes Kosovës dhe diasporës. Kjo distancë e bëri ndarjen më të lehtë, sepse raportet u ftohën natyrshëm,” – u shpreh Ledri.
Në një kohë kur ndarjet shpesh shoqërohen me polemika publike dhe akuza të ndërsjella, ky rrëfim vjen si një shembull i rrallë i maturisë. Ledri theksoi se, pavarësisht përfundimit të lidhjes, marrëdhëniet me Sarën mbeten të mira, për shkak të një lidhjeje shumë më të madhe: vajza e tyre.
“Sara më duket shumë e lumtur me djalin. Për mua kjo ka më shumë rëndësi, sepse kur ajo është e lumtur, edhe vajza jonë është e lumtur,” – tha ai, duke vënë theksin tek mirëqenia e fëmijës.
