Najada Konomi, ose e njohur nga publiku si Noçja, ka qenë një ndër personazhet që ka spikatur më shumë në edicionin e parë të “Big Brother Albania”. Prej kohësh Najada është zhvendosur në Itali, vend ku po jeton dhe historinë e saj të dashurisë. Përpara 1 viti ajo tregoi se ishte martuar dhe ky lajm erdhi i papritur për të gjithë.
Së fundmi Konomi ka zbuluar një surprizë akoma dhe më të madhe. Najada është në pritje të ëmbël dhe shumë shpejt do të bëhet nënë. Ajo ka publikuar në ‘Instagram’ një foto të sajën me barkun e rrumbullakosur dhe me një paletë ngjyrash në duar, duke qenë se ajo është me profesion piktore. Përkrah fotos ajo ka treguar se ndjehet shumë e lumtur për këtë dhuratë të madhe dhe që do të bëhet nënë e një vajze.
“Të rrisësh një fëmijë është një sipërmarrje kreative, art më shumë se shkencë. Tani barku im është po aq madhështor sa dhe zemra ime. Vogëlushja ime ti më jep shumë arsye për të buzëqeshur çdo ditë ”, ka shkruar ish-banorja e ‘Big Brother’. Nga postimet e Najadës në rrjete sociale, kuptohet se gjatë kësaj kohe ajo nuk e ka lënë pas as pasionin e saj për pikturën. /revistawho.com
