Një takim ish-bashkëshortësh ka ndodhur të shtunën në mbrëmje në spektaklin “Amici” të Maria De Filippit në “Canale” 5, e sytë e të gjithëve ishin tek ata. Ambra Angolini, dikur një personazh shumë i dashur edhe për shqiptarët tashmë pjesë së jurisë së “Amici”, takoi ish-burrin e saj Francesco Renga i cili ishte si i ftuari i mbrëmjes. Historia e tyre e dashurisë ka zgjatur 11 vjet dhe ata kanë bashkë dy fëmijë, Jolanda dhe Leonardo. Ambra dhe kantautori u ndanë në vitin 2015. Ata u “bashkuan” publikisht vetëm për shkak të punës, por kjo bëri kuriozë shumë fansa. Mediat italiane shkruajnë se të shtunën vetë spektakli kaloi në plan të dy, pasi të gjithë e kishin mendjen tek ata. Ish-çifti ndërkohë shkëmbyen disa batuta, duke luajtur sikur ishin tek programi tjetër i Marias, “C’e posta per te”. Vetë De Filippi e pyeti Ambrën nëse dëshirontë “ta hapte zarfin” ndërsa ajo iu përgjigj: “Epo hape”, e vëtëdijshme për të ftuarin që po vinte. Nga ana tjetër Renga hyri dhe i përshëndeti të gjithë ndërsa Ambra ia priti: “Tani që e pashë duke hyrë, ndërrova mendje. Dua ta mbyll zarfin”. Ndërkohë nuk mungoi batuta as prej ish-burrit të saj. “Sivjet nuk jam në juri por kam një zëvendësuese të mirë. Je një alternativë, ta dish”./ revistawho.com
