Narcisizmi, një tipar personaliteti që përfshin ndjenja madhështie dhe nevojë për admirim, shfaqet ndryshe te femrat krahasuar me meshkujt, shpesh duke u maskuar si pasiguri ose ndjeshmëri e lartë. Kjo formë e fshehur e narcisizmit mund të jetë po aq e dëmshme sa ajo e dukshme te meshkujt.
Format e narcisizmit:
– Narcisizmi grandioz: Karakterizohet nga vetëbesim i tepruar, dominimi social dhe mungesa e empatisë.
– Narcisizmi i ndjeshëm: Karakterizohet nga manipulimi me anë të ndjeshmërisë së lartë emocionale, viktimizimit, vetëvlerësimit të ulët dhe nevojës për validim.
Dallimet gjinore:
Ndërsa meshkujt mund të shfaqin narcisizmin përmes sjelljeve dominuese dhe kërkesës për admirim, femrat shpesh e manifestojnë atë në mënyra më të fshehtë, të ndikuara nga normat shoqërore që inkurajojnë modestinë dhe kujdesin për të tjerët. Për shembull, një grua narcisiste mund të kërkojë vëmendje përmes pamjes së saj fizike ose arritjeve, duke përdorur taktika indirekte për të marrë validim. Sidoqoftë, pavarësisht dallimeve, të dyja format e narcisizmit kanë tendencën të heqin çdo përgjegjsi nga vetja duke e alokuar fajin gjithnjë te dikush tjetër.
Rreziqet e narcisizmit te femrat:
Narcisizmi te femrat mund të çojë në sjellje manipuluese, përhapje thashethemesh dhe agresion pasiv. Studimet tregojnë se narcisizmi i ndjeshëm te femrat lidhet me dhunë fizike, seksuale dhe psikologjike ndaj partnerëve intimë.
Vështirësitë në diagnostikim
Për shkak të shfaqjes më jo të zëshme, narcisizmi te femrat shpesh nënvlerësohet ose diagnostikohet gabimisht, si për shembull si çrregullim i personalitetit kufitar. Kjo nënvizon nevojën për mjete diagnostikuese që marrin parasysh dallimet gjinore në shfaqjen e narcisizmit.
