Ndërsa të gjithë mendojnë si t’i kalojnë festat e fundvitit, televizione të ndryshme po përgatisin programet për të argëtuar shqiptarët. Aktori i humorit dhe moderatori, Ermal Mamaqi ka bërë të ditur se nata e ndërrimit të viteve në Klan do të ketë të ftuar personazhe të njohur të ekranit. Në studion e “Xing me Ermalin” do të jenë të pranishëm ‘Cekja i Beratit’, ‘Remja i Durrësit’, Rita Lati, aktori i madh shkodran Zef Deda etj. Rikthimi në ekran i aktorëve më të mëdhenj të humorit shqiptar, të mbledhur të gjithë së bashku pritet të sjellin një natë speciale e plot të qeshura.
