Aktorja e njohur, Natalie Portman, është shfaqur këtë të enjte në premierën e filmit “Jackie” dhe ka shkëlqyer me paraqitjen e saj.
Aktorja është në pritje të fëmijës së saj të dytë dhe duket se është kthyer në një nga zonjat më elegante të të gjitha kohërave. Ajo kishte veshur një fustan elegant kombinuar me vathët ngjyrë të gjelbër dhe flokët e kapur. Portman dhe bashkëshorti i saj, koreografi francez Benjamin Millepied, thanë në muajin shtator se së shpejti do të sjellin në jetë fëmijën e tyre të dytë. Çifti u martua në vitin 2012 në Big Sur, Kaliforni dhe tashmë janë prindër të një djali 5-vjeçar, Aleph.
Aktorja kohët e fundit ka luajtur personazhin kryesor në filmin “Jackie”, që trajton historinë e ish-Zonjës së Parë në vitet 1963 pas vrasjes së bashkëshortit të saj në Dallas.
“Njerëzve u pëlqen të besojnë në përralla. Nuk duhet të harrojmë një moment se bëhet fjalë për Camelot-in. Nuk do të ketë një tjetër Camelot”,- është shprehur aktorja për People./Blitz.al/
