Jo shumë kohë më parë u përfolën për një krisje eventuale në lidhjen e tyre të cilën edhe e mohuan, por Blero dhe Afrona Dika janë kthyer sërish në qendër të vëmendjes. Dyshimet e para lindën kur dje, Afrona zbarkoi në Prishtinë nga Zvicra dhe nuk u pa për asnjë çast me Bleron. Afrona vazhdoi me vëllezërit e saj, teksa Blero mbrëmjen e kaloi me miqtë. Benzinë zjarrit i shtoi para pak minutash me një status ku Afrona shprehet: ‘Një ditë do zgjohedh në mëngjes dhe do mendosh çka ndodhi me vajzën që dikur ishte aty për ty pa marrë parasysh sa e largoje. Do të kujtosh gjitha gjërat që ajo ka bërë për ty, gjithë dhimbjen në të cilën e bëre të kaloje. Do ta kuptosh sa e rëndësishme ishte ajo në jetën tënde dhe sa e mrekullueshme ishte, por kur ajo ditë të vijë, ajo do zgjohet me mashkullin të cilin tashmë e kishte njohur.’
Bukuroshja, sipas verifikimeve të Prive.al tashmë nuk e ndjek më Bleron as në Instagram teksa vlen të ceket se nga profili i Afronës janë fshirë fotot me këngëtarin nga pushimet në Santorini. Ky i fundit, akoma e mban bukuroshen në rrjetin social Instagram, si një indikacion i qartë se sipas gjasave, e zhgënjyera në lidhje ka qenë Afrona nga Blero.
