Me ardhjen e Damianos, Ervinit dhe Olsit nga shtëpia e të “burgosurve”, kanë filluar të krijohen edhe grupet midis konkurrentëve. Fiorentina ka bashkuar Olsin, Ervinin dhe Sidritën duke i thënë të kenë kujdes nga provokimet e Damianos. Kurse Damiano dhe Armela janë bashkuar me Kein dhe Vivin. Madje Damiano dhe Kei kanë bërë llogaritë se kë do eliminojnë për t’i hapur njëri tjetrit rrugën për në finale. Ndërsa Benard dhe Xheni nuk janë bashkuar me asnjë nga grupet. Damiano dhe Armela ata i quajnë “out fare”. Por edhe Musa dhe Dona janë “out” gjithashtu pasi të dy e kalojnë kohën duke e puthur e përqafuar e duke menduar për jetën jashtë “Big Brother” për propozime e fëmijë. Katerina dhe Lupçe duken të jenë asnjëanës dhe ruajnë relata me të dy grupet. Ndërsa Fotini dhe Danjel po shijojnë ditët si çift lider. E se me kë do të bashkohen ata na mbetet të presim. Kujtojmë se kur Damiano ishte në shtëpi një muaj më parë me Donjetën Fotini dhe Danjel ranë dakort që nuk do merren me Damianon, por tani që situata ka ndryshuar, edhe Fotini e Danjel do bashkohen me ndonjërin prej grupeve me siguri./revistawho.com
