Është ndarë nga jeta aktori i njohur i teatrit “Migjeni” të Shkodrës, Fatbardh Smaja. Ai ka ndërruar jetë si pasojë e një sëmundje të rëndë .
Fatbardh Smaja lindi më 2 shtator 1956 në qytetin e Shkodrës. Studioi në fillim për violinçel e klarinet dhe më pas përfundoi studimet në Institutin e Lartë të Arteve për aktrim.
Në vitin 1980 nisi punën ne teatrin “Migjeni” si aktor dhe ai numëron rreth 90 role në komedi, dramë, tragjedi por dhe kinematografi si në filmat “Fundi i një gjakmarrjeje “,”Fejesa e Blertës”, “Ngjyrat e moshës” e disa të tjerë. Smaja njihet dhe si regjisor duke vënë edhe vetë pjesë në skenë si psh: “Rëndësia e të qënurit i sinqertë”, “Njeriu që pa vdekjen me sy”, “I sëmuri për mend” “Zeneli” etj.
Pak javë më parë ai ishte emëruar dhe drejtor i këtij teatri ku punonte prej 35 vitesh.
Discussion about this post