Teksa po shijon suksesin e bashkëpunimit të saj më të fundit të quajtur ‘Edhe ti’, i cili u publikua një ditë më parë së bashku me reperin Mozzik, Tayna duket se nuk ka mundur t’i shpëtojë akuzave për operacione plastike. Pas shumë komenteve në rrjet, ajo ka zgjedhur t’i sqarojë të gjithë me anë të disa fotove të publikuara në ‘Instastory’.
“Jam e gjitha natyrale. Oh jam alergjike ndaj rrobave”, ka shkruar reperja krah postimeve të fundit në rrjetet sociale. Duke theksuar faktin se i pëlqen të veshë sa më pak rroba, Tayna ka theksuar dhe pjesën se nuk ka kryer asnjë ndërhyrje.
Nuk dihet nëse ndjekësit e saj janë ‘qetësuar’ pas kësaj deklarate, por me siguri spekulimet e ndryshme do të vazhdojnë edhe në muajt në vazhdim./revistawho.com
