Një 20-vjeçar shqiptar është ndaluar pasditen e djeshme nga policia italiane në Milano. Ai kishte në çantën e shpinës një orë “Franck Muller”, modeli “Tourbillon”, me vlerë 10 mijë euro dhe një koleksion monedhash argjendi.
I riu tentoi t’ia mbathte gjatë një kontrolli në rrugën “Bonfadini”, por u ndalua nga agjentët.
Gjatë kontrollit vetiak, policët gjetën sendet e lartpërmendura, që dyshohet se janë të vjedhura.
Hetimet janë në vijim për të zbuluar prejardhjen e mallrave të vjedhur. Shqiptari është nën hetim në gjendje të lirë. /Syri.net/
