Ndarja me Bora Zemanin, flet Vin Veli: Nuk e ndjek në ‘instagram’, sepse…

Prej disa kohësh në Tiranë, po qarkullon thashethemi se moderatorja simpatike e “Digitalb” Bora Zemani dhe DJ-i i njohur Vin Veli, janë ndarë. Këtë lajm e mohoi disa minuta më parë për ‘revistawho.com‘ vetë bukuroshja Zemani, e cila pa dashur të bëjë shumë komente tha thjesht “Jo, nuk jemi ndarë” (LEXO KËTU). “Who” kontaktoi gjithashtu me DJ-in e kërkuar të jetës së natës, nga i cili morëm të njëjtën përgjigje. Pyetjes se pse nuk e ndjek Borën në ‘instagram’, Vini iu përgjigj duke thënë se: “Për këtë e ka fajin një program që kam instaluar së fundmi në telefon, atij duhet t’i kërkoni llogari për këtë. Madje tani që më kujtuat duhet ta ç’instaloj se më ka hapur shumë punë”, – përfundoi ai duke qeshur. Babai i Arborit shtoi gjithashtu se si pasojë e angazhimeve të shumta në këtë sezon, jo vetëm në mbrëmje live, por edhe në studio, i ka kërkuar Borës të shkojë bashkë me të birin dhe të vëllain të pushojë në Jug. Ai u shpreh se ‘pas humbjes së babait, dy javë më parë, më duhet të rri më shumë pranë shtëpisë, ndaj nuk mund të shkëputem me pushime. Borës ia kërkova unë të shkonte me pushime bashkë me djalin, sepse ajo nuk ka kohë tjetër dhe unë kam qenë i ngarkuar me shumë punë këto kohë”, – sqaroi Vin Veli për “revistawho.com“… Dhe pas këtij reagimi, tani të gjithë jemi më të qetë, sepse u mërzitëm shumë kur dëgjuam thashethemet se një prej çifteve më simpatikë të showbizz-it, nuk janë më bashkë. / revistawho.com