I bujshëm ishtë këtë fundjave, lajmi se çifti simpatik i balerinëve Klaudia Pepa dhe Albi Nako, i dhanë fund martesës së tyre. Publiku e ka ndjekur këtë romancë hap pas hapi, pasi vetë protagonistët na e kanë dhënë këtë mundësi. Madje çifti edhe martesën e bënë në transmetim të drejtëpërdrejtë tek Ardit Gjebrea në “Tv Klan”. Ndoshta edhe për këtë arsye, lajmi i ndarjes i trishtoi njerëzit. E siç ndodh zakonisht në kësi rastesh, komentet u ndanë në pro dhe kundra. Kishte nga ata që e quajtën Klaudian mosmirënjohëse, duke akuzuar se ajo e braktisi partnerin koreograf, pasi arriti suksesin. Këto komente kanë lënduar dikë. Ajo është nëna e Klaudia, zonja Lume Pepa. Përmes një statusi në “Facebook”, nëna e yllit të “Amici” i bën thirrje ish-dhëndrit të saj t’i pastrojë emrin të bijës. Sipas zonjës është ai që po e njollos padrejtësisht.
“Unë ju kam lexuar secilin. Duke falënderuar për dashamirësit që shprehin keqardhje e në të njëjtën kohë me respekt u drejtohem atyre që japin mendime që s’kanë lidhje fare me problemin e aq më keq për mosmirënjohje nga Klaudia Pepa, duke cënuar moralin apo dinjitetin e Klaudias, kështu që më lind e drejta të ndërhyj pas gjithë këtyre fyerjeve pa kuptim e të pamerituara. Albi&Klaudia punuan me dhe për njëri-tjetrin, fillimisht për interes të ndërsjellë të punës e më pas dashuria që lindi mes tyre i lidhi edhe më shumë…
Askush s’po kërkon fajtorin dhe as viktimën. Marrëdhënia e tyre vazhdon në mënyrën e tyre. Klaudia nuk meriton asnjë germë negativiteti nga asnjë nga ju që shkruani çfarë ju vjen në mend pa u menduar mirë dhe pa pasur informacionin e duhur. Albi Nako, të takon ty të pastrosh emrin e Klaudias të cilin po e njollosin padrejtësisht!”, shkruan Lume Pepa./ revistawho.com
