Telenovela Icardi-Wanda Nara vazhdon. Pas ndarjes dhe pajtimit të papritur, dyshja janë vënë sërish në qendër të vëmendjes.
Sipas shtypit argjentinas, Wanda është shtatzënë. Këtë e ka raportuar gazeta “Caras”, sipas së cilës shtatzënia ishte arsyeja e pajtimit mes dyshes.
Ndarja e fundit, sipas gjasave, dukej se ishte përfundimtare, por jo. Ata bënë një udhëtim në Maldives me fëmijët e tyre: «Ajo nuk ishte gruaja e jetës sime. Ishte jeta ime e transformuar në një grua. Historitë e Disney kanë edhe një sezon të dytë”, shkroi Icardi në “ Instagram” duke postuar një foto nga pushimet me Wanda-n. Nga fotot nuk është e qartë nëse Wanda është shtatzënë, por burimet për mediat janë të sigurt.
