Angelo Haruni duket se po luan me kujdes kartat e tij në Big Brother VIP Albania 5. Ndërsa jashtë shtëpisë flitet prej kohësh për lidhjen e tij me ish-moderatoren e “Wake Up”, Neada Muçaj, brenda formatit ai po krijon një narrativë tjetër: atë të një njeriu të zhgënjyer nga dashuria.
Rrëfimi i tij u bë shkak për ngritjen e dyshimeve në publik nëse ai vërtet është ndarë apo nëse kjo “ndarje” është përgatitur me kujdes, në pritje të hyrjes së mundshme të Neadës në shtëpinë më të famshme në Shqipëri, siç edhe është përfolur për një kohë të gjatë.
Pa përmendur emra konkretë, Angelo ka lënë të kuptohet se përjetimet e tij personale kanë ndryshuar mënyrën se si ai e percepton sot një lidhje. Gjatë ditëve të para në BBV, ai është shprehur hapur për marrëdhëniet, duke ndarë këtë reflektim:
“Kam humbur besimin në dashuri për momentin. Mendoja se ishte normale të mos ziheshe në një marrëdhënie, por më është thënë se zënkat janë të zakonshme. Ka dallim mes mosmarrëveshjeve të vogla dhe zënkave të vërteta.”
Këto deklarata kanë shtuar dyshimet se historia mes tij dhe Neada Muçajt mund të rikthehet pikërisht brenda shtëpisë, nëse moderatorja bëhet pjesë e këtij edicioni.
Tani mbetet për t’u parë nëse kjo strategji do të kulmojë me hyrjen e Neadës dhe një ribashkim surprizë, apo gjithçka do të mbetet thjesht një kapitull i hapur për shikueshmëri dhe diskutim publik.
