Demi Lovato ka qenë shumë aktive në rrjetet sociale dhe ka ndarë me ndjekësit disa nga aktivitetet e saj. Ajo ka zbuluar se tashmë ka një menaxher të ri, të quajtur Scooter Braun. Përveç angazhimeve në muzikë, aktualisht Demi ndodhet në Bora Bora me dy miqtë e saj më të ngushtë. Këngëtarja ka përfituar nga ky moment i bukur me shokët e saj për t’i falënderuar ata për çdo gjë që kanë bërë për 26-vjeçaren.
“Faleminderit që nuk më keni lënë asnjëherë vetëm në momentet e mia më të errëta, që më keni fshirë lotët, madje dhe ato lot që kanë dalë duke parë filmin ‘Moana’. Faleminderit për besnikërinë, sinqeritetin dhe çdo gjë tjetër”, ka shkruar Lovato në postimin e saj.
Kujtojmë se disa kohë më parë, Demi pësoi një krizë të rëndë shëndetësore për shkak të përdorimit të lëndëve të ndaluara. Pas atij momenti të vështirë ajo u rikthye sërish në muzikë për të gjithë fansat e saj./revistawho.com
