Ndërkohë që pret të bëhet nënë, Diellza Kolgeci planifikon rikthimin në ekran

Pak muaj më parë u zbulua se bukuroshja shqiptare, Diellza Kolgeci ishte në pritje të ëmbël. Shumë shpejt Diellza do të bëhet nënë e një vajze dhe ky do të jetë bekimi i parë për të. Gjatë kësaj kohe modelja kosovare ka qëndruar e shkëputur nga ekrani si moderatore apo aktore, por pritet që të rikthehet së shpejti. Ditën e sotme bloggeri Olti Curri ka zbuluar në emisionin e pasdites ‘Rudina’ se Diellza po planifikon të kthehet në ekran si më parë. Sigurisht që ajo do të presë deri në lindjen e fëmijës, derisa të nisë dhe njëherë punën. Kujtojmë se Diellza është në një marrëdhënie me basketbollistin kosovar, Fisnik Rugova, i cili është 11 vite më i ri se modelja kosovare. /revistawho.com