Ditën e djeshme Dua Lipa tregoi se ishte bërë pjesë e një misioni të “UNICEF” për të ndihmuar disa familje refugjatësh në Liban. Këngëtarja publikoi në rrjete sociale disa foto me fëmijët refugjatë dhe tha se kjo eksperiencë i kishte hapur sytë.
https://www.instagram.com/p/BwRinecFtFY/
Megjithatë duket se disa prej fansave të saj shqiptarë nuk e kanë pritur mirë, për shkak se sipas tyre si fillim Dua duhet të kontribuojë në vendlindjen e saj, Kosovë, e më pas në shtete të tjera. Njëri prej tyre ka shkruar në ‘Twitter’: “Ndihmo njerëzit e tu Dua, shumë shqiptarë në Kosovë vuajnë sepse nuk kanë shtëpi, as ushqim. Ti shkon në Lindjen e Mesme ndihmon arabët, por harron të tutë”. Duas nuk i ka kaluar pa e vënë re këtë koment dhe menjëherë i është përgjigjur ndjekësit, duke i lënë pa fjalë të gjithë ata që mendojnë se nuk kontribuon për Kosovën. “Unë kam krijuar një fondacion në Kosovë për të bërë pikërisht këtë gjë që në 2016. Quhet ‘Sunny Hill Foundation’. Mund të kontrollosh të gjithë punën që kemi bërë në website-in tonë”, – ka thënë Dua Lipa.
Vitin e kaluar nëpërmjet fondacionit, Dua Lipa dhe babai i saj, Dukagjin Lipa, organizuan festivalin “Sunny Hill Festival” në Prishtinë, që mblodhi disa nga emrat më të njohur të muzikës botërore. /revistawho.com
