Pandemia ‘Covid-19’ do të vazhdojë të ndihet edhe në muajt e ardhshëm në jetën e personazheve të njohur dhe mjaft të dashur për mbarë audiencën. Burime ekskluzive pranë mbretërisë, kanë treguar së fundmi për ‘The Sun’ se ndonëse Mbretëresha Elizabeth nuk ka dashur të ndërpresë punën e saj gjatë virusit ‘Covid19’, ajo nuk do të ketë mundësinë të vazhdojë më takimet e saj në publik.
“Është e rrezikshme që Elizabeth të takojë shumë njerëz. Ajo gjithmonë ka pasur shumë dëshirë të dalë jashtë dhe të takojë njerëzit, por kësaj here nuk mund të rrezikojë”, është shprehur përfaqësuesi i mbretërisë, Andrew Morton.
Pavarësisht kësaj deklarate, ndjekësit e Kensington janë ende në pikëpyetje nëse Elizabeth do të kthehet me takimet e saj të shumta, por këtë pritet ta zbulojë vetë ajo në javët në vazhdim. Kujtojmë se Princ Charles u infektua me ‘Covid 19’, por pas këtij momenti delikat, ai u vetizolua në kështjellën Balmoral në Skoci, ku dhe u shërua./revistawho.com
