Matt Damon ka pranuar që “për pak sa nuk filloi të qante” kur George Clooney i tha që ai dhe e shoqja, Amal, po prisnin binjakë. Por ai ka shtuar gjithashtu që i foli ashpër Clooney-t që po e ndante kaq herët lajmin për shtatzëninë e Amal-it.
“Po punoja me të, vjeshtën e kaluar dhe ai më mori veçantë për të ma thënë dhe, unë për pak fillova të qaj”, ka thënë aktori i Jason Bourne për Entertainment Tonight Canada. “Isha aq i lumtur për të. Dhe i thashë ‘prej sa kohësh është shtatzënë?’ Ai më tha ‘tetë javëshe’. ” Damon më pas i tha “Je në rregull?! Mos i thuaj askujt tjetër! Mos i thuaj askujt tjetër! Nuk e di rregullin e 12-javëshit?. Sigurisht ai nuk e dinte. I thashë, ‘thjesht mbylle gojën, plak’. Dhe pastaj, katër javë më vonë e pyeta, jemi mirë, apo jo?” Dhe Clooney konfirmoi: “Jemi mirë”.
Damon, baba i tre fëmijëve me bashkëshorten Luciana Barroso, u shpreh që ata do të jenë “prindër të mrekullueshëm” dhe e përshkroi avokaten e të drejtave të njeriut, Amal, si një “grua fenomenale”.
“Po, jam shumë i emocionuar për atë”, ka vazhduar ai. “Ajo është fantastike. Ai ka kapur bingon. Në çdo kuptim. Ajo është një grua fenomenale. Ata do jenë fantastikë. Prindër të mrekullueshëm. Ata fëmijë janë me fat”.
Prezantuesja e “The Talk”, Julie Chen e dha e para lajmin që Amal, 39 dhe Clooney, 55, do të bëheshin prindër.
“Beyoncé nuk është i vetmi personazh shumë i suksesshëm që po pret binjakë “, tha ajo gjatë emisionit të djeshëm. “Urime presin edhe George dhe Amal Clooney. Tani, ajo që ne zbuluam dhe që asnjë tjetër nuk e ka thënë, është që binjakët parashikohet të lindin këtë qershor”.
Çifti është i martuar prej dy vitesh./revistaclass.al
