Ditën e sotme u raportua se deputeti i Partisë Socialiste Eduart Ndocaj është rrahur nga dy persona në Prizren. Menjëherë pas këtij lajmi ka reaguar edhe vetë deputeti, duke sqaruar se është si kokrra e mollës dhe kjo gjë nuk është e vërtetë.
Por edhe pse Ndocaj e mohoi publikisht, rastin për “Klan Kosovën” e ka konfirmuar Sylë Hoxha, Kryeprokurori i Prokurorisë Themelore të Prizrenit. Ai ka thënë se sulmi është kryer nga dy persona, njëri shqiptar i Shqipërisë dhe tjetri i Prizrenit. Që të dy këta persona janë arrestuar dhe sipas prokurorit shqiptari nga Kosova është i njohur për policinë e Prizrenit.
