Këngëtarja Adelina Tahiri, ka folur si rrallë herë në intervista për jetën e saj private. Në emisionin e Orinda Hutës ku kryefjalë është mëmësia, Adelina e cila është nëna e një djali foli për periudhën e vështirë që ka kaluar pas lindjes Jonit të vogël.
Këngëtarja tha se shtoi 30 kilogramë gjatë shtatzënisë dhe pas lindjes së djalit ka kaluar në depresion postpartum.
“Shtova 30 kilogramë gjatë shtatzënisë. Për momentin jam 56 kg, atëherë isha 84. Vetëm të them një gjë, nuk e harroj kurrë kur kam hyrë në banjo të nesërmen në mëngjes dhe kam bërë dush. O zot çfarë tmerri! Elefant! Kisha harruar ta shikoja veten në pasqyrë. Kur e pash, o zot, thash unë nuk do bie në shtrat me burrin derisa të vij në format e mia të duhura!
Unë rash në depresion! Unë kur e pash veten në atë lloj gjendje mua nuk më interesonte asnjë gjë tjetër. Mua më interesonte vetëm pesha, ashtu humba edhe qumështin.
Unë jam mësuar të jem gjithmonë në super formë. Psikologjia ime është më e fortë se çfarëdo lloj fjale. Nuk më interesonte. Nuk haja fare, vetëm 20 ditë kam dhënë gji. Ndoshta tingëlloj egoiste por nuk isha e lumtur!” tha ajo.
