Në sezonin e parë të “Hell’s Kitchen” Renato Mekolli shoqërohej edhe nga dy zëvendës shefa, Bleri Dervishi dhe Eri Muhaj, të cilët kishin një rol mjaft të rëndësishëm në kuzhinë.
Sezonin e ri pritet të ketë ndryshime të shumta në formatin e spektaklit të gatimit dhe siç duket vendin e Blerit dhe të Erit do ta zërë dikush tjetër. Ditën e sotme Renato ka treguar se në “Hell’s Kitchen 2” do të ketë përkrah dy vajza, një brune e një bionde, që do të jenë asistentet e tij. Shefi i njohur i kuzhinës nuk ka dhënë detaje të tjera, duke e lënë enigmë identitetin e vajzave. “Dy vajza do të jenë asistentet e mia këtë sezon të ri në “Hell’s Kitchen 2” njëra bionde tjetra brune… Deri në tetor kemi shumë lajme”, ka shkruar Mekolli në ‘Instagram’. Ai u ka bërë thirrje të gjithëve që të vazhdojnë të aplikojnë dhe të bëhen pjesë e audicioneve në datat 20, 21 dhe 22 gusht.
“Hell’s Kitchen Albania” pritet që të nisë në gjatë tetorit dhe me siguri çdo detaj më tepër do ta zbulojmë në muajt në vijim. Më herët Renato ka paralajmëruar se sezoni i ri do të vijë në formën e një ‘reality show’ dhe se gara do të jetë akoma më e fortë. /revistawho.com
