Ndryshime në minutat e fundit, Frederik Ndoci nuk do të jetë në spektaklin e Vera Grabockës

Sonte në televizionin “Klan” nis spektakli “Your Face Sound Familiar”, nën regjinë e Vera Grabockës dhe drejtimin e Alketa Vejsiut. Prej disa javësh në media janë publikuar detaje nga ky program i ri televizv, si për përmbajtjen ashtu edhe për pjesëmarrjen. Mirëpo megjithëse na ndajnë vetëm pak orë nga transmetimi i tij i drejpërdrejtë, mësohet se edhe sot janë bërë ndryshime të rëndësishme. Siç raporton revista “Class” e cila më herët kishte njoftuar se kantautori Frederik Ndoci do të ishte në juri, sot njoftohet se ai nuk do të jetë më dhe ky vend i është besuar Bojken Lakos. Sakaq bashkë me të në juri do të jenë edhe Bleona e Arian Çani. Ndërkohë VIP-at pjesëmarrës janë: Kastro Zizo, Anxhela Peristeri, Adelina Tahiri, Rozana Radi, Era Rusi, Besnik Qaka dhe Endri Prifti. Javë pas jave ata do të transformohen si personazhe të njohur shqiptarë e të huaj duke imituar performancat e tyre më të spikatura.