Aktorja e njohur Ana Lika, ka ndarë një moment mjaft të veçantë me ndjekësit e saj në Instagram, duke publikuar për herë të parë portretin e vajzës së saj, Marvel, në ditën që vogëlushja feston 6-mujorin e lindjes.
Në një foto të ëmbël dhe plot ndjesi, Ana shihet duke përqafuar Marvel-in, e cila mban veshur një fustan të bardhë me zemra të kuqe – një pamje plot dashuri dhe ngrohtësi. Krahas fotos, Ana ka shprehur emocionet e saj si nënë në një përshkrim prekës:
“Mrekullia ime Marvel. Ti sot bën 6 muajshe dhe unë nuk e di se sa shpejt kanë kaluar këto muaj. Nuk ngopem me buzëqeshjen tënde (dhe tulet e tua). Faleminderit që më dhe emrin ‘mami’.”
Në mënyrë të sinqertë dhe me një ndjeshmëri të veçantë ndaj privatësisë së vajzës së saj, Ana shton me humor:
“Më fal që të nxori mami me fytyrë në Insta, se e di që e ke qef privatësinë.”
Ky postim i Anës ka marrë menjëherë reagime të shumta nga ndjekësit dhe miqtë e saj të ekranit, të cilët kanë uruar vogëlushen dhe kanë përgëzuar Anën për këtë moment të bukur.
