Albumi i shumëpritur i Rita Orës tashmë duket se është gati dhe shumë shpejt do dalë në shitje.Rita ka filluar të zbulojë disa detaje për këtë album, që pritet të dalë në fund të nëntorit. Në një intervistë të fundit këngëtarja është pyetur se si do ta përshkruante pamjen e saj në imazhet e albumit.
Ajo ka thënë se ka shumë imazhe të fuqishme që kanë shumë domethënie për të. Këngëtarja tregon se ka përdorur simbole si ato të shqiponjës të flamurit shqiptar. Rita ka vazhduar duke thënë se ajo ende do të jetë bjonde me buzë të kuqe, ndërsa fotografitë e gjithë albumit janë realizuar nga Damon Baker.
