Pavarësisht situatës delikate në vend për shkak të vendimeve të marra nga qeveria, këngëtarja e njohur, Eranda Libohova ka zgjedhur të publikojë pasditen e sotme projektin më të fundit muzikor.
Ajo ka treguar me postimin e fundit se pavarësisht vështirësive, artistët nuk dorëzohen.
“Ne artistët nuk dorëzohemi. Edhe në një vit të vështirë si ky i sivjetshmi nuk do të mungojë për të gjithë admiruesit e këngëve të mia. Me një këngë të re, freskojmë shijet muzikore sëbashku. Nëse më keni pritur, ‘ja ku jam’”, ka shkruar Eranda krah videos së fundit ku ka zbuluar dhe një pjesë të projektit.
Kujtojmë se orët e fundit kanë qenë mjaft të zhurmshme në rrjetet sociale, pas vendimit të qeverisë për mbylljen e lokaleve pas orës 20:00. Këngëtarët kanë reaguar në forma të ndryshme, duke mos rënë dakort me këtë vendim dhe duke publikuar një sërë postimesh me opinionet e tyre./revistawho.com
https://www.instagram.com/p/CC3ckXBpFcm/?igshid=1icad8yxa6bt
