Princ William festoi ditën e djeshme ditëlindjen e tij të 37-të dhe e gjithë familja mbretërore nuk ka nguruar ta urojë atë në rrjetet sociale. Babai i tij, Princ Charles dhe partnerja e tij zgjodhën ta urojnë me një foto të vjetër ku shfaqej princi në moshë të vogël në një kënd lojërash. Ndërsa adresa zyrtare e pallatit ‘Kensington’ e uroi William me anë të një videoje ku shfaqeshin të gjitha momentet e bukura përgjatë gjithë jetës së tij dhe disa momente së bashku me mbretëreshën.
Princi dhe bashkëshortja e tij, Kate Middleton i falënderuan të gjithë nëpërmjet një postimi në ‘Instagram’, ku nuk munguan dhe komentet uruese nga Princ Harry dhe Meghan Markle me anë të faqes së tyre të përbashkët ‘@sussexroyal’.
Kujtojmë se marrëdhënia e Princ William me vëllain e tij, Harry-n, ka qenë një nga raportet më të diskutuar në rrjet ditët e fundit./revistawho.com
