Këtë vit Tuna feston 33-vjetorin e lindjes dhe këtë datë të rëndësishme në jetën e saj artistja ua ka kujtuar të gjithëve përmes një postimi në ‘Instagram’. Këngëtarja ka publikuar një fotografi të sajën, në të cilën shihet duke pozuar përkrah disa statujave. Në njërën prej tyre Tuna shihet duke i folur njërës prej tyre në vesh dhe ka bërë autoironi me veten. “A e di që sot kam ditëlindjen? E di. E di që dhe kurrë s’ke për të mbushur mend”, ka shkruar Tuna në postimin e saj.
https://www.instagram.com/p/Bz3jchsFL55/
Menjëherë pas tij nuk kanë munguar urimet e shumta nga ana e miqve dhe fansave. Disa prej tyre shpreheshin se Tuna duhet të jetë gjithmonë kaq rebele për të shërbyer edhe si një shembull emancipimi në shoqëri. Këngëtarja e njohur ka treguar gjithmonë se nuk i pëlqen të qëndrojë brenda kornizave dhe këtë gjë e ka demonstruar përmes artit të saj. Në çdo këngë apo videoklip të saj, Tuna gjen një detaj për të rrëmbyer vëmendjen e të gjithëve dhe për të shkaktuar një lloj debati. /revistawho.com
