Dua Lipa sot feston ditëlindjen e 23-të dhe për të festuar ka zgjedhur Ibizën, ku ka shkuar bashkë me familjen e saj dhe miqtë më të mirë. Mes njerëzve më të rëndësishëm, Dua i ka nisur festimet që herët dhe ka ndarë disa nga momentet më të veçanta. Të parët që e uruan duke ndarë disa fjalë dhe foto me të gjithë, janë familjarët e saj. Prindërit e këngëtares kanë zgjedhur të shkruajnë pak fjalë për të krahas fotove të vjetra të familjes, kur Dua ishte shumë e vogël. Ndërsa motra e saj ka zgjedhur një nga fotot më të veçanta të tyre.
“Gëzuar 23-vjetorin dashuria ime. Gjithmonë do të mbaj fortë pranë zemrës sime. Të dua”,-shkruan i ati.
“Jam mami më e lumtur në botë që kam një engjëll si ti. Gëzuar ditëlindjen dashuria ime”,-shkruan e ëma.
Ndërsa motra e saj e vogël i ka treguar edhe një herë sa krenare është për të. “Gëzuar ditëlindjen më e papara. Jam shumë krenare për gjithçka ke arritur dhe të dua shumë shumë. Paç një 23-vjetor sa më të bukur”,-shkruan Rina./revistawho.com
