11 tetori është Dita Ndërkombëtare e Vajzave. Kjo është vendosur për herë të parë në vitin 2012. Kjo ditë ndërkombëtare synon të promovojë trajtimin e barabartë dhe mundësitë për vajzat në mbarë botën në fusha të tilla si, ligji, të ushqyerit, kujdesi shëndetësor, arsimimi, trajtimi, etj.
Nisur nga kjo ditë, moderatorja Dojna Mema ka dashur të japë mesazhin e saj, për vajzat.
“Në ditën e vajzave, uroj vërtet që të ketë gjithnjë e më tepër vajza të pavarura, të cilat dinë të thonë jo pa kompromis. Vajzat që lirinë e kanë po aq të rëndësishme sa vetë jetën. Vajza të mençura, idealiste, që ndryshojnë botën pa kërkuar asgjë në këmbim, vajza të dhembshura, të ndjeshme sepse aty gjendet vetë forca. Dhe nëse këto vajza dëshirojnë, uroj që zë gjejnë krah tyre një person që i çmon për atë që janë”, ka thënë Dojna në mesazhin e saj në “Instastory”. Kujtojmë se Dojna është një prej personazheve që herë pas here jep mesazhe të tilla, të domosdoshme.
