Bukuroshja shqiptare, Almeda Abazi është në ditët e fundit të pritjes së saj të ëmbël. Në pak ditë ajo dhe partneri i saj, Tolgahan Sayisman, pritet të bëhen prindër për herë të parë me një djalë.
Ashtu siç ka rrëfyer dhe vetë Almeda, dyshja ka vendosur ta quajë vogëlushin Efehan dhe kjo për shkak sepse ajo e pëlqente shumë emrin Efe, por aktori i njohur turk preferoi t’i shtonin dhe prapashtesën han, meqenëse shumica e pjesëtarëve të familjes së tij e kishin këtë detaj në emrat e tyre.
Abazi ka publikuar herë pas here foto të ndryshme nga kontrollet e shtatzënisë dhe jo vetëm. Pak më parë ajo ka ndarë me të gjithë një foto më barkun e rrumbullakosur, bashkangjitur së cilës ka shkruar: “9-muajsh shtatzënë, hajde tani vogëlush”.
Mesa duket Almeda mezi po e pret momentin e veçantë në jetën e saj kur do të ketë mundësinë të mbajë në krah Efehan.
Kujtojmë se në një intervistë ekskluzive për ‘RevistaWho.Com’, ish-Missi shqiptar ka treguar gjithashtu se fëmija i saj do të mësojë gjuhën shqip, ndërsa turqishtja do të jetë një angazhim i bashkëshortit të saj./revistawho.com
