Orinda Huta dhe Turjan Hysko prej 1 viti kanë zyrtarizuar lidhjen e tyre disavjeçare me martesë. Pavarësisht se në ekran vazhdon të shfaqet me mbiemrin e saj, duket se Orinda e ka marrë mbiemrin e Turit që nga koha e martesës. Ditën e sotme ajo ka publikuar në ‘Instagram’ një foto të pasaportës dhe ka treguar përse mori mbiemrin Hysko. Ajo ka rrëfyer se nuk e detyroi Turi, por ka qenë vendim i saj personal për të mbajtur mbiemrin e tij. “U bëra Hysko për 1 arsye…Zonjat e gjendjes civile më pyetën mbi 10 herë në isha e sigurt. Kujtonin se ishte Turjani arsyeja, por i thashë jo, është vendim personal. Unë do jem gjithmonë një ‘Huta’ gjithsesi dhe me shumë qejf… P.s Kjo gjë ndodhi qëkur u martuam, tani thjesht më skadoi pasaporta”, ka shkruar Orinda.
Pavarësisht se në dokumenta mban mbiemrin e Turit, në ekran ajo vazhdon të ruajë identitetin e saj, duke qenë se publiku është mësuar ta njohë si Orinda Huta. Kujtojmë se çifti i njohur ka shumë vite që është pjesë e ekranit dhe së fundmi të dy kanë nisur drejtimin e “Porta e fatit” në televizionin “Klan”. /revistawho.com
