Anna Lika dhe Bjordi Mezini vetëm pak kohë më parë dolën publikisht me njëri-tjetrin, duke u bërë kështu një prej çifteve më “cute” të showbizit. Në një rrëfim për “S’e luan topi”, Anna ka treguar shkëndijat e para me Bjordin dhe sigurisht puthjen e parë që ka ndodhur para më shumë se 2 vitesh.
“Nuk e pëlqenim njëri-tjetrin në fillim. Unë isha pjesë e serialit ‘Hot’, por u largova sepse nuk më pëlqyen 2-3 skena. Më pas të dy nisëm të rrinim më shumë me njëri-tjetrin. Unë shkoja në shtëpinë time dhe thoja: po dal pak me Bjordin se dhe ai vetëm. Gjeja çdo lloj justifikimi ta takoja. Ka qenë ngacmim i dyanshëm. Kur e kupton që tjetrin e ke qejf dhe të ka qejf. Nuk thamë gjë, thjesht ndodhi një puthje dhe që në ato momente e quajta veten të lidhur. Nga puthja e parë kanë kaluar 2 vite e pak”, ka thënë Anna.