Arilena Ara i është përkushtuar së fundmi disa projekteve muzikore, ndërsa krahas tyre e shohim çdo të premte në ‘The Voice Kids’ si një nga trajneret. Si personazh i njohur i ekranit edhe Arilena si gjithë të tjerët është në një farë mënyre ‘e detyruar’ të jetë në formë të mirë fizike. Megjthatë këngëtarja ka treguar se dashuria për palestrën dhe jetën e shëndetshme shkon përtej kësaj.
Herë pas here, Arilena ka publikuar në profilin personal në ‘Instagram’ momente nga stërvitja apo detaje të tjera që lidhen me regjimin e saj. Sot, më në fund kemi parë rezultatet e dukshme nga stërvitja e vazhdueshme. Me anë të një videoje ajo ka treguar ndryshimin që ka pësuar në zonën e krahëve duke lënë të kuptohet se ka punuar fortë për të arritur këtu ku është.
Arilena është shfaqur së fundmi më në formë se kurrë, me thjeshtësinë që e karakterizon edhe në spektaklin e talenteve të rinj. Nëse keni nevojë për pak frymëzim që të nisni seriozisht palestrën dhe të jeni gati për verën dozën e nevojshme të motivimit e gjeni tek Arilena. /revistawho.com
