Kampionati shqiptar i futbollit tashmë është në një pauzë thuajse 1 mujore për të filluar më pas fazën e dytë. E duket se këto pushime kanë bërë bashkë disa nga futbollistët e kategorisë superiore. Edhe pse rivalë në fushë, jashtë saj ata mbeten miq të mirë. Ditmar Bicaj i Vllaznisë, Sabien Lilaj i Skënderbeut, Erando Karabeci i Tiranës dhe Emiljano Vila i Partizanit ishin sot bashkë me partneret përkatëse në Korçë, ku kanë kaluar një drekë bashkërisht në një nga tavernat e qytetit.
