Ndjekësit e Efi Dhedhes janë shqetësuar këtë mëngjes, pasi ish-banorja e “Big Brother VIP Albania” është paraqitur nga spitali. Vetëm pak orë më parë, ajo kishte ndarë në rrjete sociale pamje nga një trajtim bukurie, por situata duket se ka marrë një kthesë të papritur.
Në një foto që ka publikuar vetë, Efi shihet e shtrirë në spital, e veshur me mantel dhe kapuç, duke dhënë përshtypjen se ndodhet nën kujdes mjekësor. Krahas imazhit, ajo ka shkruar thjesht:
“Mirëmëngjesi edhe kështu,”
pa dhënë asnjë shpjegim tjetër për gjendjen e saj.
Nuk dihet ende çfarë e ka çuar Efin në spital, por postimi ka ngjallur shumë reagime dhe komente mbështetëse nga ndjekësit, të cilët i urojnë shërim të shpejtë.
