Angela Merkel i ka shqetësuar të gjithë lidhur me shëndetin e saj, gjatë takimit të fundit të organizuar në Berlin me Frank-Walter Steinmeier. Kancelarja gjermane ka pasur dridhje te pakontrolluara të trupit dhe ndonëse ajo përpiqej ta kontrollonte situatën duke shtrënguar duart herë pas here, kjo ishte e pamundur. Dikush i ofroi të pijë ujë, megjithatë Merkel refuzoi ta bëjë këtë gjë. Videoja ku shihet gjendja e rënduar shëndetësore e saj ka bërë xhiron e rrjetit dhe është komentuar gjerësisht në media. Kujtojmë se kjo nuk është hera e parë që Angela dridhet në publik. Edhe gjatë takimit me presidentin e Ukrainës në Berlin, Merkel kishte të njëjtën dridhje, por u shpreh më pas se kjo gjë i kishte ardhur si pasojë e dehidratimit të trupit.
Pavarësisht këtyre deklaratave, kanë qenë të shumtë ata që kanë dyshuar se kancelarja gjermane vuan nga sëmundja e parkinsonit, e cila shkakton dridhje të pakontrolluara të trupit./revistawho.com
