Justin Bieber ka mbajtur së fundmi turneun e tij “Justice World” në Norvegji. 28-vjeçari ka ndaluar për një moment për të folur me fansat e tij për kuptimin e albumit të tij “Justice”
“Kur krijuam albumin “Justice”, ne donim të bënim një moment të qëllimshëm. Një moment uniteti, një moment pranimi, një moment përkatësie. Në këtë botë, ka shumë ndarje dhe çfarë është drejtësia, është që ne të bashkohemi të gjithë. Ne e dimë se racizmi është i keq. Është i gabuar. Por ju dhe unë, ne duhet të jemi krijuesit e ndryshimeve. Ne duhet të jemi ata që do të qëndrojmë me vëllezërit dhe motrat tona dhe do të bëjmë një ndryshim. Kështu që unë jam shumë mirënjohës që secili prej jush këtu sonte është pjesë e këtij mesazhi, duke qenë pjesë e këtij udhëtimi”, ka thënë ai.
Mesazhi i Bieber vjen pasi u rikthye në skenë pas pauzës 2-mujore pas diagnostikimit me një sindromë të rrallë që i paralizoi gjysmën e fytyrës.
