Gjatë një bisede të qetë me Kushtrimin, Klodian Mihaj hapi një temë që prek drejtpërdrejt jetën private: pritshmëritë e familjes së tij për martesën. Edhe pse prej vitesh jeton në Itali dhe jeta e tij është ndërtuar larg vendlindjes, mesazhi i prindërve mbetet i njëjtë dhe i qartë.
“Shpirti ta don me kon në tokë të shqiptarit me shqiptare. Edhe prindërit më thonë gjithmonë me u martu me nji shqiptare, shqiptare… Normal që ashtë më ndryshe, gjithmonë më kanë thanë me nji shqiptare,” u shpreh Klodi, duke reflektuar mbi këshillat që e shoqërojnë prej vitesh.
Sipas tij, kjo nuk lidhet vetëm me dëshirën e prindërve, por edhe me ndjesinë personale të të kuptuarit dhe harmonisë kulturore. “Normal që me shqiptare të kupton ma ndryshe, si në familje si me krejt,” shtoi ai, duke theksuar rëndësinë e përkatësisë dhe vlerave të përbashkëta.
Biseda nuk mbeti vetëm te dashuria. Klodian ndau edhe mendimin e tij për mënyrën se si disa njerëz e matin lumturinë, duke u shprehur hapur kundër materializmit. Për të, pasuria mund të jetë një lehtësi, por kurrë burimi kryesor i lumturisë. Kushtrimi u tregua në një linjë me këtë mendim, duke theksuar se kur paraja zhduket, shumë njerëz humbin edhe kuptimin e jetës.
Deklaratat e Klodit kanë nxitur reagime dhe kureshtje te publiku, sidomos duke ditur se ai ka një lidhje jashtë shtëpisë me një vajzë italiane. Ai e ka përmendur disa herë partneren dhe madje është emocionuar nga një surprizë telefonike gjatë një Prime.
