Turjan Hysko ka finalizuar sot sezonin e parë të programit ‘Familja’ në Klan Tv. Emisioni në fjalë ka qenë një nga më të ndjekurit dhe ka dhuruar emocione dhe të qeshura në çdo familje shqiptare me lojrat argëtuese. Në mbyllje të këtij sezoni moderatori i njohur ka publikuar një foto-kolazh me momente nga programi dhe ka shkruar një mesazh që ju dedikohet të gjithëve.
“Dhe në fund fare asgjë nuk ka më shumë rëndësi sesa ‘Familja’! Luani me njëri-tjetrin, falni dashuri, edukoni fëmijët tuaj, mësojini të jenë të drejtë, të kërkojnë të vërtetën, të pranojnë humbjen, të dinë të ringrihen, që mos heqin dorë nga ëndrrat, nga dëshirat dhe pasionet e tyre. Familja është qeliza që e mban në këmbë një shoqëri! Jam i lumtur që kemi realizuar një program si ky. Sot mbyllim një sezon fantastik. Shihemi së shpejti”, shkruan moderatori.
Kujtojmë se lëvizja e Turjanit në Klan ishte një nga më të bujshmet për këtë sezon televiziv, bashkë me trupën e ‘Duplex’. / revistawho.com
