Florian Agalliu ka xhiruar paraditen e sotme emisionin e fundit për programin ‘Në shtëpinë tonë’ në ekranin e ‘Top Channel’. Moderatori ka publikuar disa foto krah Nevina Shtyllës duke treguar se si ka qenë ky rrugëtim për të.
“Sot është episodi i fundit i @nështëpinëtonë. Jam më shumë se krenar për gjithë personat që punuan për këtë format. Treguam në 5 sezone vlera, cilësi, informacion dhe argëtim. Ju dua të gjithëve”, ka shkruar Agalliu bashkangjitur postit të tij më të fundit në ‘Instagram’.
Pak kohë më parë Floriani ka zbuluar se në vazhdim do të jetë pjesë e ekranit të ‘Ora News’, duke mos zbuluar detaje të tjera. Kujtojmë se përveç angazhimeve në televizion, Agalliu ka qenë shpesh aktiv edhe në shfaqje teatrale, degë kjo për të cilën dhe është diplomuar./revistawho.com
https://www.instagram.com/p/B6u9NypJQub/?igshid=16ez1h4o1h87r
