Reperi i njohur i hitit “Despacito”, Daddy Yankee, ka rënë pre e një vjedhje gjatë pushimit në Spanjë. Një hajdut ka hyrë në dhomën e hotelit ku po qëndronte dhe ka grabitur çdo gjë me vlerë që i ka dalë para. Hajduti ka arritur të marrë nga kasaforta e këngëtarit 2 milionë euro bizhuteri, varëse me gurë të çmuar, diamantë dhe cash.
Ajo e cila po i habit të gjithë është fakti se vjedhësi nuk ka përdorur as maskë dhe as doreza. Në mes të ditës, ai thjesht ka telefonuar stafin e hotelit, duke u prezantuar si këngëtari dhe ka kërkuar ta shoqërojnë në dhomën ku ndodhej kasaforta.
Mashtrimi spektakolar ka lënë me gojë hapur punonjësit e hotelit në Valencia por edhe të gjithë opinionin. Hajduti, të cilit i është vënë epiteti “i zgjuari”, po kërkohet nga e gjithë policia e Spanjës.
