Edhe pse nuk mori pjesë në ceremoninë e ndarjes së çmimeve ‘Grammy’ këtë vit, Ariana Grande ishte qëndra e vëmendjes për mediat. Ajo zbuloi në ‘Instagram’ veshjen që ishte dizenjuar për natën e madhe të datës 10 shkurt dhe i surprizoi të gjithë me pamjen e saj. Të gjithë menduan se Ariana dukej si një princeshë, por pjesa më e bukur nuk është kjo. Ish partneri i saj, Mac Miller, i cili ndërroi jetë vitin që kaloi, i ka dedikuar Arianës një këngë që titullohet ‘Cinderella’ dhe të gjithë fansat e saj mendojnë se kjo këngë është arsyeja e modelit të fustanit. Ariana bën gjithmonë dedikime për ish partnerin e saj, por ky veprim ishte një nga më të bukurit. Albumi i Mac Miller ‘Swimming’ u nominua për çmimin ‘Best Rap Album’, por ky çmim iu dha reperes Cardi B./revistawho.com
https://www.instagram.com/p/BtuUHNClbEC/?utm_source=ig_share_sheet&igshid=z4tvszxwn360
