E gjithë Kosova është sensibilzuar në dhurimin e fondeve për Shqipërinë për të dëmtuarit nga tërmeti i fortë i së martës. Së fundmi zëvendëskryeministri në detyrë i Kosovës, Behgjet Pacolli, ka dhënë 1 milion euro për ndihmë. Pacolli e ka dhënë lajmin përmes një postimi në ‘Instagram’, ku ka treguar se për këtë gjë ka kontribuar gjithë familja e tij. “Kemi vendosur bashkë me familjen time (ne djemtë e Isa dhe Ruhan Pacollit) që të dhurojmë 1 milion euro për rindërtimin e zonave të prekura nga tërmeti”, ka shkruar Behgjet Pacolli në një postim në ‘Instagram’.
https://www.instagram.com/p/B5aPeMUBZQl/?igshid=uj1f2a5tyqy7
Përmes postimit zëvendëskryeminsitri i Kosovës ka treguar se ndodhet në zonat e prekura nga tërmeti, për të parë nga afër çfarë po ndodh. Ndihmat në shuma monetare kanë qenë të shumta edhe nga personazhet e njohur të vendit, që u janë gjendur pranë familjeve që kanë pësuar më shumë dëmtime nga tërmeti i fuqishëm.
