Jennifer Lopez është një nga këngëtaret dhe aktoret më të suksesshme në ‘Hollywood’. Ajo ka sjellë ndër vite një sërë produksionesh të ndryshme muzikore dhe është shfaqur në shumë role protagoniste në kinematografinë e huaj, duke i mahnitur të gjithë me aftësitë e saj.
Ndonëse duket e pabesueshme Lopez mbush plot 50-vjeç në muajin korrik, por koha për të duket sikur ka ndaluar. Ajo ka qenë së fundmi e ftuar në emisionin e Ellen DeGeneres dhe ka rrëfyer planet e saj për 50-vjetorin.
“Do të bëj një turne në Shtetet e Bashkuara të Amerikës. E kam titulluar ‘Është festa ime’ ”, tregoi Jennifer.
Ylli ndërkombëtar pohoi se këtë verë do ta festojë ditëlindjen në mënyrën më spektakolare të mundshme. Siç duket Jennifer Lopez nuk arrin asnjëherë të zhgënjejë me zgjedhjet e saj./revistawho.com
