Aktori i njohur turk, Tolgahan Sayısman, dhe bukuroshja shqiptare Almeda Abazi, pak ditë më parë kanë shpallur datën zyrtare të martesës, e cila do të jetë më 13 shkurt, në 25-vjetorin e ish Miss-it shqiptar. Siҫ shkruajnë mediat vendëse, ҫifti kanë filluar përgatitjet menjëherë pasi shpallën zyrtarisht fejesën nëntorin e vitit të kaluar, megjithatë nuk i kanë lënë pas as projektet profesionale. Ndërkohë që Almeda i ka mbyllur tashmë disa kontrata për të qenë pjesë e serialeve të reja, i fejuari i saj, Tolgahan Sayışman, së bashku me aktoren Bade İsçil, e njohur për rolin e Sebnem-it – biondja e bukur në krah të djathtë të Ezelit në serialin me të njëjtin titull – kanë nisur nga puna për një projekt të ri.
“Dashuri e vjetër” titullohet seriali i ri që do të bashkojë dy protagonistët shumë shpejt në ekran. Xhirimet kanë nisur dhe bashkë me dy aktorët seriali do të ketë edhe emra të tjerë të njohur të kinemasë turke. 63 mendohet se do të jenë seritë e filmit, një pjesë e të cilave kanë përfunduar. Mësohet se Tolgahan kishte kërkuar që bashkë me martesën e tij muajin e ardhshëm, ҫifti të festonte edhe premierën e serialit, por nuk dihet nëse pjesa e parë e filmit do të ketë përfunduar produksionin për të qenë gati për transmetim. Derisa premiera të jetë gati, Tolga dhe Almeda vijojnë me përgatitjet e dasmës./revistaclass
