Jorida Tabaku ka qenë e ftuar mbrëmjen që shkoi në ‘Tempora’ ku përballë Sonila Meços foli për situatën politike në vend. Megjithëse është në muajin e 8-të të pritjes së ëmbël, ish-deputetja e Partisë Demokratike, duket se nuk ka ndërmend të heqë dorë nga politika.
Ajo që ra në sy ishte barku i saj i rrumbullakosur dhe nuri i shtatzënisë që ishte i dukshëm. Teksa pritjes së ëmbël i vjen fundi, duket se Jorida ja ka dalë të qëndrojë në formë të shkëlqyer. Ajo u shfaq e veshur me një fustan jeshil që i vinte në dukje barkun.
Kujtojmë se ish-deputetja është nënë e dy vajzave binjake që quhen Alba dhe Iris dhe fëmija i tretë pritet të jetë djalë. / revistawho.com
